Økologisk heiderspris for Vestlandet 2011 til Bjørn Pedersen frå Homlagarden

Kilde: oikos.no

OrganicPortal Nyheter

Økopris Vestlandet gjekk i år til kalkunprodusent Bjørn Pedersen. Pedersen feirar i år 20-årsjubileum som landet sin einaste profesjonelle produsent av økologisk kalkun. Han har gjort ein heilt unik innsats for økologisk mat i Noreg og har vore pioner innan økologisk kalkunoppdrett, sa Reidar Andestad frå Oikos - Økologisk Norge under prisutdelinga. Hans nyskapande og eigenarta verksemda på Homlagarden i Kvam utløyste i 2009 Innovasjon Norge sin Bygdeutviklingspris. I fjor vart han kåra til ”Årets leverandør av økologiske produkt” av sentrale aktørar i mat-Noreg.

Det er no på tide at Pedersen og medarbeidarane hans blir heidra av sine eigne, seier Anna Milford i Oikos Vest. Organisasjonen samarbeider med dei lokale øko-avdelingane i Norsk landbruksrådgiving om prisutdelinga. - Bjørn Pedersen er ein veteran innan økomiljøet på Vestlandet, og har med stort pågangsmot arbeidd for å koma dit han er i dag. Gjennom dette har han òg spreidd idear og motivasjon til kollegaer og meiningsfeller ifleire tiår, seier Milford.

Økopris Vestlandet vart tradisjonen tru utdelt under Matfestivalen i Bergen, og består av eit diplom og ein sjekk på 5000 kr. Dagleg leiar i Oikos - Økologisk Norge, Reidar Andestad, sto for overrekkinga saman med Anna Milford fra Oikos Vest.

Her er link til Homlagarden si heimeside

OrganicPortal Nyheter

12.09.2011

Sjekk ut våre internasjonale nyheter her

Topp 3 mest lest:

DN`s Salt og Pepper - Maaemo - Økologisk hardcore
God morgon økologisk juice fra Arla
H&M rangert som nummer én bruker av økologisk bomull i verden 2010